ჩვენი ღვინო გოლეთიანების ოჯახის საქმიანობის ნაყოფია, ჩვენი მეღვინეობის ისტორია 1955 წლიდან იღებს სათავეს და უკვე მესამე თაობა აგრძელებს ტრადიციას. ბონდო გოლეთიანი (უფროსი) კახეთში, სხვადასხვა ღვინის ქარხნებში – ტექნოლოგად, მთავარ მეღვინედ მოღვაწეობდა. მისი მეუღლე, მერი მაისურაძე სპეციალობით- ყურძნის გადამუშავების ტექნოლოგი – თითქმის 50 წლის განმავლობაში ღვინის ქარხნის ლაბორატორიაში, ქიმიკოსი გახლდათ. 2000 წლებში გაშენდა ახალი ვენახი- საფერავი, რქაწითელი, მერლო, შარდონე, ჩხავერი, ცოლიკაური, ქისი.. მოგვიანებით ხეხილი და ყურძნის თანამედროვე სუფრის და საკონიაკე ჯიშები დავამატეთ.
